Vocal ubierta central no arredondiada

A vocal ubierta central no arredondiada ye un tipo de soniu vocalico emplegau en bellas luengas parladas. L'Alfabeto Fonetico Internacional no tien un simbolo especial pa la vocal ubierta central no arredondiada (entre a y ɑ). Puet denotar-se con precisión fendo servir bel diacritico central de l'AFI, ya siga o [ä] u diacritico retraito, u bien [a̠]. Muitos sinologos emplegan o simbolo no oficial [ᴀ] (chicota mayuscla [ᴀ] alternativament).

Tot y con ixo, en a practica ye muit común emplegar [a], o simbolo oficial pa una vocal ubierta anterior no arredondiada, pa transcribir una vocal ubierta central no arredondiada, y usar [æ], oficialment una vocal cuasi ubierta anterior no arredondiada, pa representar una vocal ubierta anterior no arredondiada en cuentas de [a]. Ista ye a practica normal, por eixemplo, en o estudio historico de l'idioma anglés. Pa más información, se veiga vocal ubierta anterior no arredondiada.

Manimenos, s'ha argumentau que a supuesta distinción entre una vocal ubierta frontal y central se basa en teorías foneticas obsoletas, y que a vocal cardinal [a] ye a unica vocal ubierta, mientras que [ɑ], igual que [æ], ye una vocal cuasi ubierta.^[1]

1. ↑ (en) Geoff Lindsey, The vowel space, March 27, 2013